ఆస్ట్రేలియా ఓపెన్ విజేతలు

February 22, 2021

ఏమిటి : ఆస్ట్రేలియా గ్రాండ్‌స్లామ్
ఎప్పుడు : 8, ఫిబ్రవరి 2021 – 21, ఫిబ్రవరి 2021
ఎవరు : జకోవిచ్ , ఒసాకా, ఎలైస్ మెర్టెన్స్ (బెల్జియం)-అరినా సబలెంక (బెలారస్), క్రెజికొవా (చెక్ రిపబ్లిక్)-రాజీవ్ రామ్ (అమెరికా)
ఎక్కడ : ఆస్ట్రేలియా

✌ మెల్బోర్న్ లో పురుషుల సింగిల్స్ ఫైనల్ లో మెద్వెదెవ్ ను వరుస సెట్లలో ఓడించిన జకోవిచ్ 7-5, 6-2, 6-2తో విజయం సాదించాడు.

✌ప్రైజ్ మనీ కింద రూ.15 కోట్లు అందుకోనున్న జకోవిచ్ ,ఆస్ట్రేలియన్ ఓపెన్ లో 9వ టైటిల్ సాధించిన సెర్బ్ వీరుడు గా అవతరించాడు.

✌ఓవరాల్ గ్రాండ్ స్లామ్ టైటిళ్ల విషయంలో స్విస్ వీరుడు రోజర్ ఫెదరర్, స్పెయిన్ బుల్ రఫెల్ నడాల్... జకోవిచ్ కంటే ఓ మెట్టుపైన ఉన్నారు.

✌వీరిద్దరూ ఇప్పటివరకు చెరో 20 గ్రాండ్ స్లామ్ టైటిళ్లను గెలుచుకున్నారు. మరో రెండు గ్రాండ్ స్లామ్స్ గెలిస్తే జకోవిచ్ కూడా ఫెదరర్, నడాల్ ల సరసన చేరతాడు.

✌ఆస్ట్రేలియాలోని మెల్‌బోర్న్‌లో ఫిబ్రవరి 20న జరిగిన మహిళల సింగిల్స్ ఫైనల్లో మూడో సీడ్ ఒసాకా 6-4, 6-3తో అమెరికాకు చెందిన 22వ సీడ్ జెన్నిఫర్ బ్రాడీని చిత్తు చేసింది. దీంతో ఒసాకా రెండోసారి ఆస్ట్రేలియా గ్రాండ్‌స్లామ్ టైటిల్ గెలుచుకున్నట్లయింది.

✌గతంలో 2019లో ఆస్ట్రేలియా ఓపెన్ టైటిల్‌ను ఒసాకా గెలిచింది. తాజా విజయంతో ఒసాకా... ఓవరాల్‌గా నాలుగో గ్రాండ్‌స్లామ్ టైటిల్‌ను తన ఖాతాలో వేసుకుంది.

✌ రెండు యూఎస్ ఓపెన్ (2018, 2020) టైటిల్స్ ఆమె ఖాతాలో ఉన్నాయి.

✌ పురుషుల డబుల్స్ విభాగం లో Slovakia Filip Polášek , Croatia Ivan Dodig లు గెలుపొందారు

✌ఆస్ట్రేలియన్ ఓపెన్ మహిళల డబుల్స్ టైటిల్‌ను రెండో సీడ్ ఎలైస్ మెర్టెన్స్ (బెల్జియం)-అరినా సబలెంక (బెలారస్) జంట కై వసం చేసుకుంది.

✌ తుదిపోరులో బెల్జియం-బెలారస్ జోడీ 6-2, 6-3తో చెక్ రిపబ్లిక్‌కు చెందిన బార్బరా క్రెజికొవా- కెటరినా సినియకొవా జంటపై అలవోక విజయం సాధించింది.

✌ మిక్స్‌డ్ డబుల్స్‌లో బార్బరా క్రెజికొవా (చెక్ రిపబ్లిక్)-రాజీవ్ రామ్ (అమెరికా) జోడీ విజేతగా నిలిచింది.ఆరో సీడ్‌గా బరిలోకి దిగిన క్రెజికొవా-రాజీవ్ రామ్ జోడీ 6-1, 6-4తో ఆస్ట్రేలియన్ వైల్డ్‌కార్డ్ జంట సమంత స్టొసుర్-మాథ్యూ ఎడెన్‌పై విజయం సాధించింది.