H5N8 మనుషులకు సోకింది

• ఏమిటి : బర్డ్ ఫ్లూ వైరస్ హెచ్5ఎన్8 మనుషులకు సోకినది.
• ఎప్పుడు : ఫిబ్రవరి 20 ౨౦౨౧
• ఎవరు : హెచ్5ఎన్8 రకం
• ఎక్కడ : రష్యాలో
• ఎందుకు : బర్డ్ ఫ్లూ వలన ప్రాణహాని కలగకుండా చుసుకోనేందుకు

✌బర్డ్ ఫ్లూ వైరస్ హెచ్5ఎన్8 మనుషులకు సోకిన తొలి కేసును రష్యా గుర్తించింది. ఇది పౌల్ట్రీ (పెంపుడు కోళ్లు వంటి పక్షులు) నుంచి మనుషులకు సోకింది.

✌దేశంలోని దక్షిణ ప్రాంతంలో గల ఒక పౌల్ట్రీ ప్లాంట్‌లో గత డిసెంబర్‌లో బర్డ్ ఫ్లూ వ్యాపించిందని.. అందులో పని చేసే ఏడుగురు కార్మికులకు ఈ బర్డ్ ఫ్లూ సోకిందని అధికారులు చెప్పారు.ఆ ఏడుగురూ ఇప్పుడు ఆరోగ్యంగానే ఉన్నారు అని రష్యా వినియోగదారుల ఆరోగ్య పర్యవేక్షణ సంస్థ తెలిపింది.

✌అంతే కాకుండా  ఈ వ్యాధి మనుషుల నుంచి మనుషులకు వ్యాపిస్తున్న సంకేతాలు లేవని తెలిపింది . ఈ బర్డ్ ఫ్లూ కేసుల గురించి ప్రపంచ ఆరోగ్య సంస్థకు నివేదించామని తెలిపారు.

✌రష్యాకు చెందిన వెక్టార్ లేబరేటరీ.. బర్డ్ ఫ్లూ సోకిన కార్మికుల నుంచి సేకరించిన వైరస్ జన్యు పదార్థాన్ని విజయవంతంగా వేరు చేసింది.  

✌ఈ వైరస్ మనుషుల నుంచి మనుషులకు వ్యాపించే సామర్థ్యాన్ని ఇంకా సంతరించుకోలేదు.

✌ఈ మ్యుటేషన్లను గుర్తించటం.. మున్ముందు రాగల మ్యుటేషన్లను తగినవిధంగా ఎదుర్కోవటానికి, సమయానికి ప్రతిస్పందించటానికి ప్రపంచం సిద్దం అవుతుంది .

✌ఈ వైరస్‌ సోకితే గుర్తించటానికి అవసరమైన పరీక్షా వ్యవస్థలను తయారు చేయటంపై రష్యా శాస్త్రవేత్తలు ఇప్పుడు కృషి మొదలు పెట్టింది.

✌బర్డ్ ఫ్లూ ఇతర రకాలు అప్పుడప్పుడు మనుషులకు సోకుతుంటాయి. మరణాలకు కూడా దారితీస్తాయి. అయితే.. హెచ్5ఎన్8 రకం మనుషులకు సోకినట్లు గుర్తించటం ఇదే తొలిసారి.

✌ సాదరంగా కోళ్లలో వ్యాపించే ఈవ్యాధి 2 రకాలు గా వ్యాధి లక్షనాలు ప్రకోపించవచ్చు.

• ఈ వైరస్ కొద్ది స్థాయిలో సోకినపుడు కోళ్ల ఈకలు చెల్లా చెదురైనట్లు కనిపిస్తాయి. గుడ్ల ఉత్పత్తి తగ్గిపోతుంది .
• ఈ వైరస్ తీవ్రముగా సోకినపుడు కోడి వివిధ శరీర అవయవాలు దెబ్బతిని 48 గంటలలో చనిపోతుంది.

✌ కోళ్లు జారవిడిచే సొంగ ద్వారా ఈ వ్యాధి ఒక కోడి నుండి మరొక కోడికి త్వరితముగా వ్యాపిస్తుంది. అలాగే కోడి రెట్టలద్వారా కూడా ఈవ్యాధి వ్యాపిస్తుంది. చాలా అడవి పక్షులలో ఈవ్యాధి క్రిములు పేగులలో ఉండవచ్చును. 

✌ కాని దీప్రభావము వెంటనే కనిపించదు. ఈ పేగులు ఈ వైరస్ కి రిజర్వాయర్ గా ఉంటాయి. ఈ పేగులే ఇతర పక్షిజాతులకు ఈ వ్యాధి సోకడానికి వాహకాలుగా పనిచేస్తాయి.

✌మనుషులకు సోకే ఫ్లూ వ్యాధి కూడా ఈ రకానికి చెందినదే. మనుషులకు సోకే వైరస్ లకు, కోళ్లకు సోకే వైరస్ లకు కొన్ని తేడాలు ఉన్నాయి. 

✌మనుషులకు 'హెచ్1ఎన్1', 'హెచ్1ఎన్2', 'హెచ్3ఎన్2' వైరస్ లు సోకుతాయి. కోళ్లకు 'హెచ్5ఎన్1' వైరస్ సోకుతుంది. 

✌కోళ్లకు సోకే వైరస్ అసాధారణ పరిస్థితులలో మాత్రమే మనుషులకు సోకుతుంది. అయితే ఈవైరస్ లు త్వరితముగా రూపాంతరము చెందే శక్తి కలిగి ఉంటాయి. అందువలన మానవ జాతికి మొదట నుండి ఈ వైరస్ అంటే భయమే. 

✌1918 లో స్పానిష్ ఫ్లూ మహమ్మారిలా సోకినపుడు ప్రపంచవ్యాప్తముగా 4కోట్లు మంది మరణించారు. బర్ద్ ఫ్లూ కూడా అదేవిదముగా రూపాంతరము చెంది మానువులకు హాని కలిగింస్తుందేమోనని శాస్త్రవేత్తలు నిరంతరము నిఘాతో ఉంటూ ఉంటున్నారు. లేదంటే మానవ జాతిలో 25 - 30 శాతము ప్రజలకు దీని ప్రభావము చూపే అవకాశం ఉంటుంది.

✌బర్డ్ ఫ్లూని ఏవియన్ ఇన్ ఫ్లూయంజా అని ఆంగ్లములో వ్యవహరిస్తారు. ఈవ్యాధి కోళ్లు, బాతులు, ఇతర పక్షిజాతులకు ఒక దాని నుంచి ఒకదానికి త్వరితంగా వ్యాపిస్తుంది.'హెచ్5ఎన్1' (H5N1) అనే వైరస్ వల్ల ఇది వ్యాప్తి చెందుతుంది.