👉 అసలేమిటి ఈ ప్రతిజ్ఞ ??

 

👉ఏమిటి : తెలంగాణ సాంఘిక సంక్షేమ గురుకుల సొసైటీల కార్యదర్శి ఆర్ఎస్ ప్రవీణ్ కుమార్ ప్రతిజ్ఞ

👉 ఎప్పుడు : ఇటివల

👉 ఎవరు : తెలంగాణ ప్రభుత్వ సాంఘిక సంక్షేమ గురుకుల పాఠశాలల్లో చదివిన పూర్వ విద్యార్థుల సంఘం

👉 ఎక్కడ : తెలంగాణ

👉ఎందుకు : తెలంగాణ ప్రభుత్వ సాంఘిక సంక్షేమ గురుకుల పాఠశాలల్లో చదివిన పూర్వ విద్యార్థుల సంఘం స్వేరో యూనియన్ ఏటా భీమ్ దీక్ష పేరుతో ఒక కార్యక్రమం నిర్వహిస్తుంటుంది .

👉తెలంగాణ ప్రభుత్వ సాంఘిక సంక్షేమ గురుకుల పాఠశాలల్లో చదివిన పూర్వ విద్యార్థుల సంఘం స్వేరో యూనియన్ ఏటా భీమ్ దీక్ష పేరుతో ఒక కార్యక్రమం నిర్వహిస్తుంటుంది. కాన్షీరాం జయంతి నుంచి అంబేడ్కర్ జయంతి వరకూ నెల రోజుల పాటూ ఇది సాగుతుంది.

👉 ఏటా ఈ ఉత్సవాలను ప్రత్యేకంగా నిర్వహిస్తారు స్వేరో పూర్వ, ప్రస్తుత విద్యార్థులు. ఈసారి తెలంగాణ రాష్ట్రం పెద్దపల్లి జిల్లా ధూళికట్ట వద్ద 2 వేల ఏళ్ల నాటి ప్రాచీన బౌద్ధ స్తూపం దగ్గర ఈ కార్యక్రమం నిర్వహించారు.

👉 ఆ సమావేశంలో పాల్గొన్న తెలంగాణ సాంఘిక సంక్షేమ గురుకుల సొసైటీల కార్యదర్శి ఆర్ఎస్ ప్రవీణ్ కుమార్ ప్రతిజ్ఞ చేస్తున్నట్టుగా చేయి పెట్టి నుంచున్న ఒక వీడియో వైరల్ అయింది. ఆ వీడియోలో హిందూ దేవుళ్లపై తనకు నమ్మకం లేదు అన్న మాటలు వినిపిస్తాయి.

👉 అసలేమిటీ ప్రతిజ్ఞ?

👉1956లో మహారాష్ట్రలోని నాగపూర్‌లో అక్టోబరు 14న అంబేడ్కర్ ఈ ప్రతిజ్ఞ చేయించారు.

👉 అంబేడ్కర్ బౌద్ధ మతంలోకి మారుతున్న సందర్భంగా ఆయన ఇది తయారు చేశారు.

👉 ఇందులో మొత్తం 22 వాక్యాలు ఉంటాయి.

👉 అంబేడ్కర్ తనతో పాటూ మతం మారిన వేలాది మంది దళితులతో అక్కడ ఇవి చదివించారు.

👉నాగపూర్ లో అంబేడ్కర్ మతం మారిన ప్రదేశాన్ని దీక్షా స్థలిగా పిలుస్తారు. అక్కడ కొన్ని నిర్మాణాలు ఉన్నాయి.

👉వాటిలో ఒక స్తూపంపై ఆ ప్రతిజ్ఞలోని 22 పాయింట్లను అక్కడే వివిధ భాషల్లో చెక్కించారు.

👉 2017ఏప్రిల్ లో అంబేడ్కర్ పుట్టిన రోజున ప్రధాని మోదీ ఆ దీక్షా స్థలిని సందర్శించారు .

👉 దళితవాదంతో, అంబేడ్కర్ బోధనలతో ప్రభావితమై బౌద్ధంలోకి మారే దళితులు ఈ ప్రతిజ్ఞ చేస్తుంటారు.

👉‘‘ నాకు బ్రహ్మ, విష్ణు, మహేశ్వరుల మీద నమ్మకం లేదు. నేను వాళ్లను పూజించను. నాకు రాముని మీద, కృష్ణుని మీద నమ్మకం లేదు. నేను వాళ్లను పూజించను.. నేను బుద్ధుడు ప్రవచించిన సూత్రాలకు, ప్రబోధాలకు ఏమాత్రం వ్యతిరేకమైన విధంగా ప్రవర్తించను’’ అంటూ సాగుతుందీ ప్రతిజ్ఞ.

దీక్షా స్థలిలో శిలా ఫలకంపై వివిధ భాషల్లో చెక్కించిన పాయింట్లు:

• 1. నాకు బ్రహ్మ, విష్ణు, మహేశ్వరుల మీద నమ్మకం లేదు. నేను వాళ్లను పూజించను.
• 2. నాకు రాముని మీద, కృష్ణుని మీద నమ్మకం లేదు. నేను వాళ్లను పూజించను.
• 3. నాకు గౌరీ మీద, గణపతి మీద, ఇతర హిందూ దేవతల ఎవరిమీదా నమ్మకం లేదు. నేను వాళ్లను పూజించను.
• 4. నేను దేవుడి అవతారాల సిద్ధాంతాలను నమ్మనుగాక నమ్మను.
• 5. నేను బుద్ధుడు విష్ణుమూర్తి అవతారమని అసలే నమ్మను. ఇది కుట్రతో కూడిన తప్పుడు ప్రచారంమని నమ్ముతున్నాను.
• 6. నేను శ్రాద్ధ కర్మలను పాటించను. పిండదానాలు చేయను.
• 7. నేను బుద్ధుడు ప్రవచించిన సూత్రాలకు, ప్రబోధాలకు ఏమాత్రం వ్యతిరేకమైన విధంగా ప్రవర్తించను.
• 8. నేను బ్రాహ్మణుల ద్వారా ఎలాంటి క్రతువులను, ఆచారాలను నిర్వహించను.
• 9. నేను మనుషులంతా ఒకటేనని నమ్ముతాను.
• 10. నేను సమానత్వాన్ని సాధించేందుకు కృషి చేస్తాను.
• 11. నేను బుద్ధుడు ప్రవచించిన 8 అంచెల మార్గాన్ని అనుసరిస్తాను.
• 12. నేను బుద్ధుడు ప్రవచించిన 10 పారమితలను పాటిస్తాను.
• 13. నేను ప్రాణులన్నింటి పట్ల దయగా ఉంటాను. వాటిని సంరక్షిస్తాను.
• 14. నేను దొంగతనం చేయను.
• 15. నేను అబద్ధం చెప్పను.
• 16. నేను నీతిమాలిన దుష్ప్రవర్తనలకు దూరంగా ఉంటాను.
• 17. నేను మద్యం సేవించను.
• 18. నేను బౌద్ధమతం ప్రభోధించే ప్రజ్ఞ, శీలం, కరుణ అనే మూడు సూత్రాల ప్రకారం నా జీవితాన్ని తీర్చిదిద్దుకుంటునాను.
• 19. నేను మానవాళి అభివృద్ధిని విచ్ఛిన్నం చేసే మతాన్ని, మనుషుల పట్ల వివక్షను ప్రదర్శించే మతాన్ని, మనుషుల్ని చిన్న చూపు చూసే హిందూ మతాన్ని విసర్జించి బౌద్ధాన్ని స్వీకరిస్తున్నాను.
• 20. నేను బౌద్ధ దమ్మాన్ని సద్ధమ్మమని గట్టిగా నమ్ముతున్నాను.
• 21. నేను కొత్త జీవితంలో ప్రవేశిస్తున్నానని విశ్వసిస్తున్నాను.
• 22. నేను ఇక నుంచి బుద్ధుని ప్రబోధల ప్రకారమే నడుచుకుంటానని ప్రమాణం చేస్తున్నాను.