బ్రహ్మపుత్ర నదీ వ్యవస్థ (Brahmaputra river)

 బ్రహ్మపుత్ర నదీ వ్యవస్థ

🔯బ్రహ్మ పుత్ర నది హిమాలయ నదీ వ్యవస్థలలో అతి పురాతనమైన నది మరియు పొడవైనది. భారతదేశం గుండా ప్రవహించే నదులలో పొడవైన నది - బ్రహ్మపుత్ర నది.( 2990 కి.మీ.)

🔯 భారతదేశంలో పొడవైన నది - గంగా నది. ( 2415 కి.మీ.)

🔯బ్రహ్మ పుత్ర నది టిబెట్ లోని కైలాస కొండల్లోని మానస సరోవరం వద్ద గల షమ్ యంగ్ డమ్ అనే హిమానీ నదం వద్ద జన్మిస్తుంది.

🔯 బ్రహ్మ పుత్ర నది సింధూ నదికి వ్యతిరేఖ దిశలో టిబెట్ ప్రాంతంలో తూర్పు దిశగా పయనించి, ప్రధానంగా చైనాలోని టిబెట్, భారత్, బంగ్లాదేశ్లో సుమారు 2990 కి.మీ. దూరం ప్రయాణిస్తుంది. 

🔯ఇటీవలి కాలంలో చైనా దేశం వారు బ్రహ్మ పుత్ర నది జన్మస్థానం అంగ్సి ప్రాంతంగా గుర్తించారు. దీని కారణంగా ఈ నది పొడవు సుమారు 3,848 కి. మీ. గా ఉంది.

🔯 బ్రహ్మ పుత్ర నది మొత్తం పరీవాహక ప్రాంతం 5,80,000 చ.కి.మీ.

🔯 మన దేశంలో బ్రహ్మ పుత్ర నది పరీవాహక ప్రాంతం - 1,94,413 చ.కి.మీ.

🔯మన దేశంలో బ్రహ్మ పుత్ర నది రెండు (అరుణాచల్ ప్రదేశ్ మరియు అసోం) రాష్ట్రాలలో సమారు 916 కి.మీ ల పొడవున ప్రయాణిస్తుంది.

🔯బ్రహ్మ పుత్ర నది ప్రధానంగా 3 దేశాలు (చైనా, భారత్ మరియు బంగ్లాదేశ్ ) గుండా ప్రయాణిస్తుంది.

🔯బ్రహ్మపుత్ర నది బంగ్లాదేశ్లో గంగానదితో కలిసి చివరగా బంగాళాఖాతంలో కలుస్తుంది. బంగ్లాదేశ్లో గంగానదిని పద్మానదిగా పిలుస్తారు.

🔯బ్రహ్మపుత్ర నది టిబెట్ను దాటి భారత్లో అరుణాచల్ ప్రదేశ్లోని నామ్చాబర్వా శిఖరం వద్ద 'యూ' ఆకారంలో తిరిగి, జిదా (అరుణాచల్ ప్రదేశ్)లో ప్రవేశిస్తుంది. అనంతరం అసోంలోని సాదియా మైదాన ప్రాంతం గుండా భారత్లో ప్రవహించి తదుపరి బంగ్లాదేశ్లోనికి ప్రవేశిస్తుంది.

🔯బ్రహ్మపుత్ర నది దుబ్రి  అనే ప్రాంతం వద్ద బంగ్లాదేశ్లోనికి ప్రవేశించి జమునా నదిగా పిలవబడి, తదుపరి గోలుండో వద్ద పద్మానదితో కలిసి మేఘనా నదిగా పిలవబడి చివరగా బ్రహ్మపుత్ర నది డాఖిన్ షాదీవుల వద్ద బంగాళాఖాతంలో కలుస్తుంది.

🔯బ్రహ్మపుత్ర నది ప్రయాణించే మార్గంలో దీన్ని వివిధ ప్రాంతాల్లో వివిధ పేర్లతో పిలుస్తారు.... చైనాలో - యార్లుంగ్  జంగ్ పో  అని,

1. టిబెట్ లో - త్సాంగ్ పో  అని, • 
2. అరుణాచల్ ప్రదేశ్లో - దిహాంగ్, సియాంగ్ అని 
3. అసోంలో- సైడాంగ్ 
4. ఉత్తర బంగ్లాదేశ్లో పద్మానది (గంగానది)ని కలవక ముందు జమున అని,
5. దక్షిణ బంగ్లాదేశ్లో (పద్మా నదిని కలిసిన తర్వాత) మేఘన అనే పేర్లతో పిలుస్తారు.

🔯అసోంలోని ఎర్ర నేలల మీదుగా ప్రవహించడం వల్ల బ్రహ్మపుత్ర నదిని ఎర్ర నది అని కూడాపిలుస్తారు.

🔯ప్రపంచంలోని అతి పెద్ద సుంబర్బన్స్ డెల్టా... బ్రహ్మపుత్ర, గంగా నదుల కలయిక వల్ల ఏర్పడింది..

🔯భారతదేశంలో గల ఏకైక నదీ ఆధారిత దీవి మాజూలీ  బ్రహ్మపుత్ర నది వల్లే ఏర్పడింది. బ్రహ్మపుత్ర నది వరదల వలన అధికంగా నష్టపోతున్న రాష్ట్రం అసోం. 

🔯 కావున బ్రహ్మపుత్ర నదిని అసోం దుఃఖదాయని అని పిలుస్తారు. 

🔯 భారతదేశంలో ప్రవహించే నదులలో మగవారి పేరుమీద ఉన్న ఏకైక నది - బ్రహ్మపుత్ర నది

బ్రహ్మపుత్ర నది యొక్క ఉప నదులు....

• ధన్సిరి, సబన్ సిరి, సంకోష్, రైడాక్,
• అమొచు, మనస్, భరేలి, లోహిత్, సుర్మ,
• తీస్తా, గంగాధర్, బేల్ సిరి, దిబ్రు, డిక్కు, 
• దిబాంగ్, బారక్, లోహిత్ మొదలైనవి.

🔯 బ్రహ్మపుత్ర నదికి గల పర్వతీయ ఉపనది - రాగా త్సాంగ్ పో

🔯 బ్రహ్మపుత్ర నది ఉపనది అయిన లోహిత్ నదిపై దేశంలోనే పొడవైన దోలా  - సాదియా వారధిని నిర్మించారు. 

🔯 ఈ వారధినే భూపేన్ హజారికా వారథిగా పిలుస్తారు. ఈ వారధి అరుణాచల్ ప్రదేశ్ - అసోం రాష్ట్రాలను కలుపుతుంది.

తీస్తా నది

🔯 తీస్తా నది టిబెట్లోని చితము సరస్సు వద్ద జన్మిస్తుంది. 

🔯 తీస్తా నది 1887 వరకు గంగా నది ఉపనదిగా ఉండేది. కానీ 1887లో వచ్చిన భూకంపం వల్ల దీని ప్రవాహ దిశ మారి బ్రహ్మపుత్ర నదికి ఉపనదిగా మారింది. 

🔯 తీస్తా నది సిక్కిం, పశ్చిమ బెంగాల్ గుండా ప్రవహిస్తుంది.

మరిన్ని అంశాలు 

⭐ ఎల్ఓసీ(LOC), ఎల్ఏసీ(LAC), రేఖలకు అర్థం ఏంటి ?

⭐ భూకంపాలు ఎందుకు జరుగుతాయి ?

⭐  8 వ ఖండం ఎలా జిలాండై  ఉద్భవించింది ?

⭐ భారతదేశ నదీ వ్యవస్థ (River System in India)

⭐ సింధు నదీ వ్యవస్థ(sindhu river)

⭐ బ్రహ్మపుత్ర నదీ వ్యవస్థ (Brahmaputra river)